Ukraina budzie patrabavać ad Rasii $50 młrd za Krym i Danbas
udakładniena
Premjer-ministr Ukrainy Arsienij Jacaniuk zajaviŭ, što jaho kraina maje namier zapatrabavać u Rasii nie mienš za $50 młrd (kala tryljona hryŭniaŭ) za anieksavanyja Krym i razburany Danbas.
Ukrainski premjer adznačyŭ, što zaraz Kijeŭ rychtujecca da jurydyčnaj vajny z Rasijaj. Akramia kampiensacyj pradmietam sudovaha razboru moža stać admova Maskvy restrukturavać Ukrainie jaje doŭh u 3 młrd dalaraŭ.
Jacaniuk zaklikaŭ Rasiju vyznačycca z pazicyjaj u dačynieńni da restrukturyzacyi doŭhu da 29 kastryčnika. Pavodle jaho słoŭ, Kijeŭ prapanuje Maskvie restrukturyzavać i častkova śpisać zapazyčanaść. Inšych umoŭ, pa słovach premjera, Rasija nie atrymaje.
Rasijskija ŭłady raniej admovilisia restrukturavać doŭh i zajavili, što Ukraina pavinna pahasić jaho ŭ poŭnym abjomie. U toj ža čas inšyja kredytory Kijeva pajšli jamu na sastupki ŭ suviazi ź ciažkaj ekanamičnaj situacyjaj u krainie.
Pres-sakratar rasijskaha prezidenta Uładzimira Pucina Dźmitryj Piaskoŭ paćvierdziŭ, što pazicyja Rasii ŭ dačynieńni da doŭhu nie źviedała źmien. Jaho taksama ździviła namier zapatrabavać kampiensacyju. «Krym — heta terytoryja Rasii. Danbas — heta terytoryja Ukrainy. Pryčym tut tryljon?» — skazaŭ jon.