JESPČ aštrafavaŭ Rasiju za parušeńnie pravoŭ troch siryjcaŭ
Jeŭrapiejski sud pa pravach čałavieka (JESPČ) pastanaviŭ, što Rasija parušyła šerah artykułaŭ Jeŭrapiejskaj kanviencyi pa pravach čałavieka ŭ spravie troch siryjskich hramadzian, paviedamili ŭ pres-słužbie suda.
Zajaŭniki — palestyniec ź Siryi biez hramadzianstva i dvoje siryjskich hramadzian — zajechali ŭ Rasiju ŭ 2013 hodzie i na momant padačy pazovaŭ u JESPČ znachodzilisia ŭ centry raźmiaščeńnia mihrantaŭ u Małajarasłaŭcy Kałužskaj vobłaści.
U sakaviku 2013 hoda jany byli aryštavanyja i pryznanyja vinavatymi ŭ parušeńni praviłaŭ znachodžańnia ŭ Rasii i ŭ pracy biez rehistracyi.
U ciapierašni čas dvoje ź ich čakajuć departacyi ŭ centry raźmiaščeńnia mihrantaŭ, jašče adzin źbieh.
Sud pastanaviŭ, što Rasija nie vykanała abaviazacielstvy pa artykule 34 (prava na indyvidualnuju skarhu) — pakolki pazoŭnikam nie dazvalali sustrecca z advakatami, a taksama pa dvuch punktach artykuła 5 — ab pravie na svabodu i biaśpieku.
Akramia taho, jak havorycca ŭ kamiunikie suda, zajaŭniki dastatkova abhruntavali śćviardžeńni, što ich prymusovaje viartańnie ŭ Siryju, dzie iduć vajennyja dziejańni, paciahnie za saboj parušeńnie artykuła 2 (prava na žyćcio) i artykuła 3 (zabarona katavańniaŭ i biesčałaviečnaha abychodžańnia) Jeŭrapiejskaj kanviencyi ab pravach čałavieka.
Sud pastanaviŭ vypłacić kožnamu z pazoŭnikaŭ pa 9 tysiač jeŭra niemateryjalnaj škody i 8,6 tysiačy jeŭra na sudovyja vydatki, a taksama nieadkładna vyzvalić ich.