Pažarny vyratavaŭ 11‑hadovuju dziaŭčynku z pałajučaha aŭtamabila
Na aŭtadarozie Mazyr—Oŭruč adbyłosia DTZ: sutyknulisia aŭtamabili «Aŭdzi» i «Mazda». Ad udaru «Mazda» zaharełasia.
«U hety čas tut prajazdžaŭ namieśnik načalnika Naraŭlanskaha adździeła pa nadzvyčajnych situacyjach Siarhiej Bialko, jaki spyniŭsia i razam ź inšymi aŭtamabilistami staŭ źbivać połymia z aŭtamabila vohnietušycielami. Supracoŭnik MNS pasprabavaŭ vyciahnuć z sałona vadziciela, ale dźviery byli zabłakavany, a potym jon na zadnim siadzieńni zaŭvažyŭ dziaŭčynku, jakuju jamu ŭdałosia vyratavać, raźbiŭšy škło», — skazaŭ R.Habryloŭ.
Pavodle słoŭ pres‑sakratara, ratavalniki, jakija prybyli na miesca zdareńnia, vyniali z aŭtamabila trup baćki dziaŭčynki, 1960 hoda naradžeńnia, i paranienuju maci, 1971 hoda naradžeńnia. Maci i dačka dastaŭleny ŭ balnicu.
Vadziciel «Aŭdzi», 1984 hoda naradžeńnia, kiravaŭ aŭtamabilem u niećviarozym stanie. Jon nie paciarpieŭ.