Vienhryja zakryła miažu z Charvatyjaj
Vienhryja ŭ noč na 17 kastryčnika zakryła miažu z Charvatyjaj, kab nie dapuścić bieskantrolny ŭjezd biežancaŭ na terytoryju krainy. Napiaredadni ab hetym rašeńni paviedamiŭ ministr zamiežnych spraŭ Pieter Sijarta.
Samit ES nie prynios nijakaha istotnaha rašeńnia, jakoje b zabiaśpiečyła achovu vonkavych miežaŭ Jeŭrasajuza, abhruntavaŭ ministr rašeńnie vienhierskaha ŭrada. Adnačasova z hetym, pavodle jaho słoŭ, ES patrabuje ad Vienhryi zachavańnia Šenhienskich pahadnieńniaŭ.
Vienhierskija ŭłady dniom raniej abviaścili pra zakančeńnie budaŭnictva zaharody na miažy z Charvatyjaj. Jaje praciahłaść składaje 300 kiłamietraŭ, ź jakich dźvie traciny prachodzić pa rekach Drava i Mura. Raniej Vienhryja abstalavała zaharodaj svaju 175-kiłamietrovuju miažu ź Sierbijaj. Paśla hetaha ŭciekačy ź Blizkaha Uschodu i z Afryki pa šlachu ŭ Zachodniuju Jeŭropu stali prybyvać u Vienhryju praz Charvatyju.
Pa dadzienych MUS, tolki za adzin dzień — 15 kastryčnika — u Vienhryju prybyli bolš jak 4,8 tysiačy biežancaŭ, pryčym bolšaść — z Charvatyi. Na miažy vienhierskija ŭłady raźmiarkoŭvajuć ich pa aŭtobusach i advoziać na aŭstryjskuju miažu.