Vykankam FIFA padtrymaŭ prapanovu abmiežavać uzrost prezidenta
Vykankam futbolnaj fiederacyi FIFA ŭ aŭtorak uchvaliŭ prapanovy kamiteta pa refarmavańni fiederacyi ab abmiežavańni maksimalnaha terminu prezidenctva ŭ joj i ŭzrostu staršyni.
U papiarednich prapanovach kamiteta pa reformach termin staršynstva prapanujecca abmiežavać 12 hadami, a ŭzrost staršyni — 74 hadami.
Siarod inšych prapanoŭ — pierajmienavańnie vykankama fiederacyi ŭ «Radu FIFA» i šerah mier, nakiravanych, jak kažuć aŭtary dakładu, na «padzieł palityčnych i mieniedžarskich funkcyj» unutry fiederacyi.
Taksama siarod prapanoŭ kamiteta — inicyjatyvy, nakiravanyja na pavieličeńnie finansavaj prazrystaści arhanizacyi, pierahlad składu i kolkaści pastajannych kamitetaŭ i papularyzacyja žanočaha futboła.