«Samaja pryhožaja bijatłanistka Rasii» ciapier budzie vystupać za zbornuju Biełarusi ŠMAT FOTA
Rasijski sajt sports.ru pieradaje, što 22-hadovaja bijatłanistka Chryścina Ilčanka z nastupnaha siezona budzie vystupać za nacyjanalnuju kamandu Biełarusi.
Dziaŭčyna rodam ź nievialičkaha haradka Łabytnanhi Jamała-Nianieckaj aŭtanomnaj akruhi (na chantyjskaj movie nazva pasielišča značyć «siem listoŭnic»). Žyvie ŭ Ciumieni.
Pačynała zajmacca kłasičnymi łyžami, a paśla pierajšła ŭ bijatłon. Jak bijatłanistka jana pakul nie pakazała nadzvyčajnych pośpiechaŭ. Letaś tolki zavajavała dva załatych miedali na čempijanacie śvietu pa letnim bijatłonie.
U rasijskaj zbornaj vielmi vialikaja kankurencyja. Nie kožnaja spartsmienka moža prabicca ŭ asnovu, tamu časta našy ŭschodnija susiedzi adpuskajuć niekatorych atletak, u jakich nie bačać pierśpiektyvy. Tak, naprykład, było z žycharkaj Sankt-Pieciarburha Nadziejaj Skardzina. Tym nie mienš, u Biełarusi Skardzina raskryłasia i navat stała bronzavaj miedalistkaj Alimpijady ŭ Sočy.
U Rasii žurnalisty nazyvajuć Chryścinu Ilčanku samaj pryhožaj bijatłanistkaj krainy.
U zbornaj Biełarusi adstajać takoje zvańnie budzie kudy bolš składana, bo ŭsie dziaŭčyny sabranyja, jak na padbor. Hladzicie sami.
Nadzieja Pisarava
Iryna Kryŭko
Nadzieja Skardzina
Kubak śvietu pa bijatłonie pačniecca 30 listapada ŭ šviedskim Estersundzie. Siezon prapuścić naš lidar, uładalnica Vialikaha Kryštalnaha Hłobusa minułaha siezona Darja Domračava.