Minčuk adkaža za padmanny danos na prastytutku
U dačynieńni da žychara Minska pravodzicca pravierka pa fakcie padmannaha danosu.
Jak paviedamlaje HUUS Minharvykankama, u dziažurnuju čaść Leninskaha RUUS stalicy pastupiła paviedamleńnie ad 32-hadovaha žychara rajona Sierabranka z zajavaj ab prapažy ŭ jaho hrošaj.
Mužčyna raskazaŭ, što napiaredadni viečaram u svajho daŭžnika zabraŭ 4000 dalaraŭ ZŠA, paśla čaho jany razam vypivali. U kancy viečara zajaŭnik vyklikaŭ taksi i pajechaŭ dadomu. Adnak pa darozie spyniŭsia na prypynku hramadskaha transpartu na praśpiekcie Niezaležnaści, dzie dziaŭčyna prapanavała jamu skarystacca intym-pasłuhami. U jaje kampanii małady čałaviek i praciahnuŭ viečar. Paśla taho jak pasłuhi byli akazanyja i apłačanyja, mužčyna zasnuŭ.
Ranicaj jon vyjaviŭ, što źnikli 3700 dalaraŭ ZŠA, i źviarnuŭsia ŭ milicyju. Pad padazreńnie trapiła nieznajomka, jakaja haściavała napiaredadni. Apieratyŭniki ŭstanavili jaje asobu. Padčas razboru dziaŭčyna patłumačyła, što ŭziała za rabotu tolki 300 dołaraŭ ZŠA. Paźniej u kvatery mužčyny ŭ kuchonnym harnitury apieratyŭniki znajšli nibyta skradzienyja 3700 dalaraŭ.
U dačynieńni da dziaŭčyny składzieny administracyjny pratakoł pa art. 17.5 KoAP (zaniatki prastytucyjaj). Što da zajaŭnika, to ŭ dačynieńni da jaho pravodzicca pravierka pa fakcie zaviedama padmannaha danosu ab učynieńni złačynstva, pa vynikach jakoj dziejańniam mužčyny budzie dadziena pravavaja acenka.