80 tysiač biełarusaŭ atrymali letaś dazvoł na žycharstva ŭ ES, ź ich 74 tysiačy — u Polščy
Bolš za 80 tysiač biełarusaŭ atrymali letaś dazvoł na žycharstva ŭ Jeŭrasajuzie, paviedamiŭ Jeŭrastat.
Praŭda, prysutnaść biełarusaŭ davoli vialikaja tolki ŭ susiednich Polščy (jana vydała 74 000 dazvołaŭ) i Litvie (1000). U astatnich krainach ličby minimalnyja.
Da taho ž, kala 70 000 vypadkaŭ — heta prosta polskija hadavyja vizy dla ŭładalnikaŭ «karty palaka». Ich uładalniki prosta vykarystoŭvajuć takija vizy dla pajezdak, ale nie pražyvajuć u ES, patłumačyŭ na sajcie BISS analityk Biełaruskaha instytuta stratehičnych daśledavańniaŭ Andrej Jelisiejeŭ.
Adukacyju ŭ krainach ES atrymlivajuć 3600 hramadzian Biełarusi.
Dazvoły na žycharstva ŭ Jeŭrasajuzie pa krainach.
Ukraina 302 000
ZŠA 199 000
Kitaj 170 000
Indyja 135 000
Maroka 96 000
Siryja 82 000
Biełaruś 80 000
Rasija 74 000
Brazilija 57 000
Turcyja 56 000
Pry hetym Polšča najbolš pryciahvaje ŭkraincaŭ, biełarusaŭ i małdavan. Litva — rasiejcaŭ, ukraincaŭ i biełarusaŭ. Łatvija — rasiejcaŭ, ukraincaŭ i kitajcaŭ. A voś u Hiermaniju na žycharstva pierajazdžali ź Siryi, Turcyi i Kitaja. U Francyju — z Maroka, Ałžyra i Kitaja. A ŭ Brytaniju, jakaja vydała najbolš stałych žycharoŭ, — z ZŠA, Kitaja i Indyi.