Minski druhakłaśnik dapamoh zatrymać pjanoha kiroŭcu
Za akazanaje milicyi sadziejničańnie ŭ vyjaŭleńni i zatrymańni pravaparušalnika, jaki ŭjaŭlaŭ niebiaśpieku dla hramadstva, supracoŭniki DAI ŭznaharodzili druhakłaśnika minskaj SŠ №185 Arcioma Ramancova.
minsknews.by
Vaśmihadovy školnik kataŭsia na rovary ŭ dvary na vulicy Pulichava. U niejki momant jon źviarnuŭ uvahu na nieadekvatnyja pavodziny kiroŭcy «Nisana» — toj jechaŭ pa tratuary. Dzicia paviedamiła pra heta baćku, a toj užo ŭ milicyju. Jak vyśvietliłasia, aŭtamabilist byŭ pjany i da taho ž pazbaŭleny pravoŭ kiroŭcy.
U sieradu supracoŭniki Dziaržaŭtainśpiekcyi pryjechali ŭ škołu, kab padziakavać Arciomu.
Taksama jamu padaryli cacačny patrulny aŭtamabil. Staršy inśpiektar pa ahitacyi i prapahandzie adździeła DAI Partyzanskaha RUUS Taćciana Spadabajeva, padziakavaŭšy chłopčyku za sadziejničańnie, prapanavała jamu pastupić na słužbu ŭ DAI, kali toj vyraście.