Najmienšaja bajavaja kiravanaja rakieta ŭ śviecie važyć 700 h
Amierykanskaja karparacyja Raytheon u hetym miesiacy prademanstravała raspracavanuju joj minijaciurnuju 40-mm kiravanuju rakietu Pike, paviedamili ŚMI.
bmpd.livejournal.com
Takim čynam, žaŭnier moža vystralić Pike navat z padstvolnaha hranatamiota M320, a potym kiravać palotam rakiety praz celepakazalnik. Płanujecca taksama raspracavać varyjant rakiety dla lohkich udarnych bieśpiłotnikaŭ, piša sajt vytvorcy raytheon.com.
Amierykanski rejndžer z padstvolnym hranatamiotnym modulem M320; americanspecialops.com
U traŭni 2015 hoda na palihonie ŭ Techasie kampanija praviała demanstracyjnyja vyprabavańni pratatypaŭ bojeprypasu. Rakiety byli vystralenyja sa standartnaha piachotnaha 40-mm hranatamiota, pralacieli bolš za 2000 m i ŭpali ŭ 5 m ad celi.
Pryznačeńnie kiravanaj rakiety - baraćba ź piachotaj praciŭnika. Paviedamlajecca, što rakieta paražaje fuhasnym zaradam i askiepkami ludziej u radyusie 10 m ad miesca padzieńnia.
Rakieta Pike maje daŭžyniu 426 mm i važyć 711 h. Jaje ruchaje ćviordapaliŭny rakietny ruchavik, a prycelvańnie zabiaśpiečvajecca łaziernaj paŭaktyŭnaj sistemaj.