Pamior Raman Łubkiŭski — ukrainski paet, dypłamat i papularyzatar Biełarusi
Łubkiŭskaha nie stała 23 kastryčnika, jamu było 74 hady.
Ukraina budzie pamiatać Ramana Łubkiŭskaha jak paeta, dypłamata, lidara ŭ kole intelektuałaŭ. Pra heta napisaŭ prezident Ukrainy Piotr Parašenka ŭ Tvitary.
Vialikaj jość i zasłuha Ramana Łubkiŭskaha pierad biełaruskaj kulturaj.
Jon byŭ adnym z samych plonnych pierakładčykaŭ biełaruskaj paezii na ŭkrainskuju movu.
Dziakujučy jaho namahańniam, pa-ŭkrainsku zahučali vieršy Janki Kupały, Maksima Bahdanoviča (ich Łubkiŭski ŭkłaŭ asobnym vydańniem), Franciška Bahuševiča, Karusia Kahanca, Michasia Čarota, Uładzimira Duboŭki, Michasia Mašary, Pilipa Piestraka, Łarysy Hienijuš, Vasila Zuѐnka, Marjana Duksy, Paŭluka Bahryma, Vincenta Dunina-Marcinkieviča, Janki Łučyny, Pimiena Pančanki…
Raman Łubkiŭski naradziŭsia 10 žniŭnia 1941 ŭ siale Astravok Ciarnopalskaj vobłaści.
Skončyŭ fiłałahičny fakultet Lvoŭskaha Nacyjanalnaha univiersiteta im. I.Franka. Pracavaŭ namieśnikam hałoŭnaha redaktara litaraturnaha časopisa «Žovtień».
Adzin z zasnavalnikaŭ Narodnaha ruchu Ukrainy.
Deputat pieršaha sklikańnia Viarchoŭnaj Rady Ukrainy. U 1990-ch byŭ pasłom Ukrainy ŭ Čechii i Słavakii.
Raman Łubkiŭski źjaŭlajecca łaŭreatam Šaŭčenkaŭskaj premii.
Jon pakinuŭ dvuch synoŭ. Markijan słužyć na vysokich pasadach u Słužbie biaśpieki Ukrainy, a Daniła pracuje u MZS.