Makiej: Biełaruś padtrymlivaje dziejańni Rasii ŭ Siryi
Biełaruś padtrymlivaje dziejańni Rasii ŭ Siryi, RF pavinna być važnym udzielnikam baraćby z teraryzmam, zajaviŭ na pres-kanfierencyi ŭ Maskvie kiraŭnik MZS Biełarusi Uładzimir Makiej.
mfa.gov.by
«Tut važna inšaje, niekatory čas tamu była stvorana kaalicyja pa baraćbie z terarystyčnymi farmiravańniami ŭ Siryi i Iraku i niekatorych inšych krain. Ale z našaha punktu hledžańnia, paradaksalnym čynam u hetuju kaalicyju čamuści nie była zaprošanaja Rasija, adzin z hieapalityčnych hulcoŭ. Teraryzm siońnia ŭjaŭlaje niebiaśpieku dla ŭsiaho čałaviectva», — skazaŭ Makiej.
«U asnovie ideałohii terarystaŭ — adno — nianaviść. Tamu treba dakładna vyznačyć pryjarytetnaść zadač, jakija siońnia stajać pierad čałaviectvam, i baraćba z teraryzmam, z našaha punktu hledžańnia — adna z samych pryjarytetnych zadač. Zmahacca z hetym usieahulnym złom i vyklikam možna tolki sumiesnymi ahulnymi namahańniami. I Rasija, jak adzin z najbujniejšych hieapalityčnych hulcoŭ, pavinna być nieadjemnaj častkaj hetaha pracesu. Tamu my, naturalna, padtrymlivajem dziejańni Rasii ŭ Siryi z ulikam taho, što jany całkam adpaviadajuć mižnarodnamu pravu», — dadaŭ kiraŭnik MZS Biełarusi.