U Rasii chočuć karać za kaminh-aŭt aryštam da 15 sutak
U Dziarždumu Rasijskaj Fiederacyi ŭniesieny zakonaprajekt ab administracyjnym pakarańni za «publičnaje vykazvańnie nietradycyjnych adnosin».
Pra heta havorycca ŭ dakumiencie, apublikavanym na sajcie Hosdumy.
«Publičny vyraz nietradycyjnych seksualnych adnosin, jaki zaklučajecca ŭ publičnaj demanstracyi svaich skažonych seksualnych prefierencyj u hramadskich miescach, kali hetyja dziejańni nie ŭtrymlivajuć učynkaŭ, što karajucca kryminalna, ciahnie nakładańnie štrafu na hramadzian u pamiery ad čatyroch da piaci tysiač rubloŭ», — adznačajecca ŭ inicyjatyvie, nakiravanaj šeraham deputataŭ staršyni Dziarždumy Siarhieja Naryškina.
Pry hetym za vykazvańnie svajoj aryjentacyi na terytoryjach i ŭ pamiaškańniach, pryznačanych dla akazańnia adukacyjnych pasłuh, pasłuh ustanovami kultury i ŭstanovami orhanaŭ pa spravach moładzi praduhledžany administracyjny štraf u pamiery ad 3 da 5 tysiač rubloŭ abo administracyjny aryšt na termin da piatnaccaci sutak.
Poŭny tekst adpaviednaha dakumienta možna pahladzieć tut.