Łukašenka: Niekatoryja aficery-tankisty ŭ luk nie ŭłaziać
Alaksandr Łukašenka stavić zadaču ŭzmacnić žorstkaść patrabavańniaŭ da padrychtoŭki aficeraŭ i padraździaleńniaŭ. Pra heta jon zajaviŭ siońnia, vystupajučy na apieratyŭnym zbory kamandnaha składu Uzbrojenych Sił Biełarusi.
U pryvatnaści, Alaksandr Łukašenka vykazaŭ naściarožanaść niekatorymi momantami, u pryvatnaści uzroŭniem prafiesijna-słužbovaj padrychtoŭki aficeraŭ.
«Pierš za ŭsio ździŭlaje ŭzrovień fizičnaj padrychtoŭki maładych aficeraŭ va ŭzroście ad 25 da 40 hadoŭ. «Dasiahnieńni» bolš za 50% ź ich acenieny na «zdavalniajuča» i «niezdavalniajuča». U mnohich aficeraŭ słaba raźvita vynoślivaść. Značnaja kolkaść maje zališniuju vahu. Jak heta razumieć? — źviarnuŭsia jon da prysutnych. — Nie mnie ž vam tłumačyć, što niama ni aficera, ni sałdata biez naležnaj fizičnaj padrychtoŭki. U nas ža niekatoryja aficery-tankisty, kamandziry BMP i inšyja ŭ luk nie ŭłaziać!».
«Raźbiaryciesia, takoje stanovišča nikudy nie padychodzić i mianie jak Hałoŭnakamandujučaha nie zadavalniaje!» — padkreśliŭ kiraŭnik dziaržavy.