U Biełarusi pačała pracavać Apieratyŭnaja mytnia
Apieratyŭnaja mytnia pačała pracavać u struktury mytnych orhanaŭ Biełarusi. Ab hetym paviedamiŭ siońnia žurnalistam namieśnik staršyni Dziaržaŭnaha mytnaha kamiteta Uładzimir Arłoŭski.
«Rašeńnie ab stvareńni Apieratyŭnaj mytni prymałasia z metaj uzmacnieńnia raboty pa asobnych napramkach dziejnaści mytnych orhanaŭ», — adznačyŭ Uładzimir Arłoŭski. Pavodle jaho słoŭ, u pieršuju čarhu heta baraćba z transhraničnaj kantrabandnaj dziejnaściu i inšymi parušeńniami prava ŭ halinie mytnaj spravy, u tym liku z vykarystańniem form i mietadaŭ apieratyŭna-vyšukovaj dziejnaści.
Akramia taho, stvareńnie Apieratyŭnaj mytni nakiravana na apieratyŭnaje ŭzmacnieńnie terytaryjalnych mytniaŭ u čas pavieličeńnia hruza- i pasažyrapatokaŭ na kankretnych učastkach hranicy; praviadzieńnie raptoŭnych kantrolnych mierapryjemstvaŭ jak u punktach propusku, tak i ŭnutry krainy z metaj vyjaŭleńnia i źniščeńnia procipraŭnaj dziejnaści, u tym liku karupcyjnaj nakiravanaści.
«Praduhledžvajecca pavyšeńnie efiektyŭnaści raboty mabilnych hrup, apieratyŭnaha reahavańnia na abstanoŭku, što składvajecca, i skaardynavanaha praviadzieńnia śpiecyjalnych mierapryjemstvaŭ», — reziumavaŭ Uładzimir Arłoŭski.
Načalnikam Apieratyŭnaj mytni naznačany Andrej Kavalčuk, jaki raniej uznačalvaŭ upraŭleńnie arhanizacyi mytnaha kantrolu Dziaržaŭnaha mytnaha kamiteta.