Biełaruskija turfirmy prypyniajuć prodaž turaŭ u Jehipiet z vyletam z Maskvy
Biełaruskija turystyčnyja kampanii prypyniajuć prodaž turaŭ u Jehipiet z vyletam z Maskvy. Hetuju infarmacyju karespandentu BIEŁTA paćvierdzili ŭ ofisach niekalkich biełaruskich turfirm.
Reč u tym, što prezident Rasii Uładzimir Pucin 6 listapada pahadziŭsia z prapanovaj prypynić paloty ŭ Jehipiet da vyśviatleńnia pryčyn avijakatastrofy samalota A321. U suviazi z hetym Rosturyzm stvaraje apieratyŭny štab pa evakuacyi rasijskich turystaŭ ź Jehipta.
Pry hetym prodaž turaŭ z vyletam ź Minska praciahvałasia ŭ raniejšym režymie, padkreślili pradstaŭniki turbiźniesu.
«Dalej budziem dziejničać z ulikam rekamiendacyj kampietentnych orhanaŭ, u tym liku Minsportu i turyzmu Biełarusi», — raspaviali ŭ kampanii Travel House.
Jehipiet tradycyjna ŭvachodzić u top-10 pieravah biełaruskich turystaŭ.