ES maje namier praciahnuć sankcyi suprać Rasii jašče na paŭhoda
Na majučym adbycca ŭ śniežni samicie Jeŭrapiejski Sajuz maje namier padoŭžyć ekanamičnyja sankcyi suprać Rasii jašče na paŭhoda, paviedamlaje niamieckaje vydańnie Handelsblatt sa spasyłkaj na krynicy ŭ Brusieli i Bierlinie.
«Admianiać sankcyi niama nijakich padstaŭ», — cytuje hazieta ŭ paniadziełak, 9 listapada, słovy svajho surazmoŭcy.
Sankcyi možna budzie źmiakčyć tolki tady, kali Minskija pahadnieńni buduć sapraŭdy całkam realizavanyja, a rasijska-ukrainskaja miaža budzie znachodzicca pad mižnarodnym kantrolem, padkreśliŭ u intervju vydańniu pradstaŭnik urada FRH. «U dadzieny momant Rasija robić usio dla taho, kab zachavać bačnaść vykanańnia minskich damoŭlenaściej i pierakłaści vinu za niaŭdačy na Ukrainu», — skazaŭ Handelsblatt surazmoŭca va ŭradzie Hiermanii.
Termin dziejańnia abmiežavalnych mier u dačynieńni da Maskvy, upieršyniu uviedzienych u lipieni 2014 hoda ŭ suviazi z kanfliktam na ŭschodzie Ukrainy, zakančvajecca ŭ kancy studzienia. Abmiežavalnyja miery ŭ suviazi z anieksijaj Kryma (raspaŭsiudžvajucca na impart krymskich tavaraŭ u krainy ES, inviestycyi ŭ krymskuju nieruchomaść, turystyčnuju dziejnaść u Krymie) dziejničajuć da 23 červienia 2016 hoda. Piersanalnyja sankcyi suprać rasiejcaŭ i ŭkraincaŭ, a taksama suprać niekatorych jurydyčnych asob u suviazi z anieksijaj Kryma i padziejami ŭ Danbasie minajuć 15 sakavika 2016 hoda.