Jehipiet pačaŭ ułasnaje rasśledavańnie viersii ab vybuchu łajniera
Pa źviestkach, što maje VVS, Jehipiet pačaŭ ŭłasnaje rasśledavańnie viersii, pavodle jakoj pryčynaj katastrofy łajniera z rasijskimi turystami nad Sinajem 31 kastryčnika było zakładzienaje ŭ jaho vybuchovaje prystasavańnie.
Vysokapastaŭleny jehipiecki čynoŭnik, jaki pažadaŭ zastacca nienazvanym, skazaŭ u paniadziełak karespandentu VVS, što śpiecsłužby krainy vyvučajuć usie varyjanty, jak vybuchovaje prystasavańnie mahło patrapić u bahažny adsiek samalota.
Pa słovach čynoŭnika, supracoŭniki śpiecsłužbaŭ vyvučajuć usie zapisy z kamier sačeńnia ŭ bahažnym adździaleńni aeraporta Šarm-eš-Šejcha, ale pakul nie ŭbačyli ničoha padazronaha. Akramia taho, jany dapytvajuć rabotnikaŭ aeraporta.