Amierykanskim dronam, imavierna, zabity hałoŭny kat «Isłamskaj dziaržavy»
Amierykanski bieśpiłotnik nanios udar pa vakolicach siryjskaha horada Raka, asnoŭnaj metaj jakoha staŭ hałoŭny kat terarystyčnaj hrupoŭki «Isłamskaja dziaržava» Muchamad Emvazi, taksama viadomy jak «džychadyst Džon», paviedamlaje Washington Post.
Pa dadzienych vydańnia, śmierć Emvazi pakul nie paćvierdžana. Pry hetym krynica ABC News śćviardžaje, što jon byŭ zabity «pramym papadańniem», kali vyjšaŭ z budynka i sieŭ u mašynu; bolš nichto nie paciarpieŭ.
Čałaviek u čornaj vopratcy i z zakrytym tvaram upieršyniu źjaviŭsia na videazapisach «Isłamskaj dziaržavy» ŭ žniŭni minułaha hoda. Jon pramaŭlaŭ z brytanskim akcentam, adnak nieŭzabavie jaho asoba była vyznačana pa hołasie i śviedčańniach byłych zakładnikaŭ hrupoŭki.
Hety mužčyna adrezaŭ hałavu amierykanskamu fotažurnalistu Džejmsu Foŭli, žurnalistu Styvienu Sotłafu, brytanskamu humanitarnamu rabotniku Devidu Chejnsu, brytanskamu taksistu Ałanu Chieninhu i amierykancu Piteru Kasihu.
Sam Muchamied Emvazi źjaŭlajecca brytancam kuviejckaha pachodžańnia, jakoha raniej zatrymlivali pa padazreńni ŭ simpatyjach terarystam. U 2012 hodzie jon źjechaŭ u Siryju. Byłyja pałonnyja ID uklučali jaho ŭ skład Beatles — hrupy z čatyroch anhlijskamoŭnych isłamistaŭ, jakija majuć dačynieńnie da katavańniaŭ i zabojstvaŭ.