Ekanomika Hrecyi skaraciłasia paśla šaści miesiacaŭ rostu
Hrečaskaja ekanomika ŭ trecim kvartale biahučaha hoda skaraciłasia na 0,5% paśla šaści miesiacaŭ rostu, paviedamlaje dziaržaŭnaja słužba statystyki Hrecyi.
Ekśpierty źviazvajuć heta skaračeńnie z adnoŭlenymi pahrozami vychadu Hrecyi ź ES i z abvostranym bankaŭskim kryzisam u krainie.
Miž tym ekanomika Jeŭrazony pa vynikach treciaha kvartała vyrasła na 0,3%. U minułym kvartale jana pakazała rost u 0,4%.
Najbolš vysokija pakazčyki rostu pakazała Ispanija — jaje ekanomika pavialičyłasia na 0,8%.
U siaredzinie kastryčnika parłamient Hrecyi pryniaŭ pakiet reformaŭ, jaki praduhledžvaje ŭviadzieńnie novych normaŭ žorstkaj ekanomii, uzhodnienych z kredytorami ŭ ramkach prahramy finansavaj dapamohi Afinam.
Pryniaćcie novaha zakona źjaŭlajecca umovaj dla atrymańnia Afinami čarhovaha tranšu finansavaj dapamohi ŭ 2 młrd jeŭra.