Navučencu ź Viciebska pahražaje da 10 hadoŭ pazbaŭleńnia voli za vymahalnictva
Pra heta paviedamili ŭ Ministerstvie ŭnutranych spraŭ.
Supracoŭniki abłasnoha hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj pry padtrymcy AMAP zatrymali 18-hadovaha navučenca liceja, jaki vymahaŭ nieisnujučy doŭh u dvuch pracoŭnych zavoda. Ustanoŭlena, što padazravany paznajomiŭsia z paciarpiełymi padčas sumiesnaha raśpićcia ałkaholu ŭ adnoj z kvater Viciebska. Niećviarozyja chłopcy ŭstupili ŭ słoŭnuju svarku. U vyniku kanfliktu padazravany źbiŭ svaich apanientaŭ.
Adnak incydent na hetym nie skončyŭsia. Liceist zajaviŭ zavadčanam, što pa ich vinie ŭ toj złapomny viečar jon raźbiŭ telefon. Dla pakryćcia škody fihurant zapatrabavaŭ addać jamu kala Br2 młn na praciahu niekalkich dzion. Paźniej liceist staŭ nastojvać na sumie ŭ Br4 młn, uzrosłaj nibyta ŭ suviazi z zatrymkaj doŭhu. Paciarpiełyja płacić nie stali, a zamiest hetaha źviarnulisia ŭ milicyju. Na čarhovaj sustrečy rabočych i padazravanaha apošni byŭ uziaty z dokazami złačynstva pry pieradačy hrošaj.
U dačynieńni da jaho raspačataja kryminalnaja sprava pa č.2 st.208 KK (vymahalnictva), sankcyja jakoj praduhledžvaje pakarańnie ŭ vyhladzie pazbaŭleńnia voli terminam da 10 hadoŭ z kanfiskacyjaj majomaści. Akramia hetaha, u ciapierašni čas liceist źjaŭlajecca fihurantam kryminalnaj spravy pa č.1 art.205 KK (kradziež).