U śmiarotnika sa stadyjona «Stad de Frans» znajšli siryjski pašpart
Reuters.com
Francuzskaja palicyja vyjaviła siryjski pašpart pobač ź ciełam adnaho z terarystaŭ-śmiarotnikaŭ, jakija ŭzarvali siabie kala stadyjona «Stad de Frans» viečaram 13 listapada. Miarkujecca, što pašpart naležaŭ mienavita jamu, infarmacyja pra asobu terarysta nie vydajecca.
***
U stalicy Francyi 13 listapada adbyłasia sieryja spłanavanych napadaŭ, u jakich uziali ŭdzieł vosiem terarystaŭ. Usie jany miortvyja.
Pa dadzienych paryžskaj palicyi, u vyniku teraktaŭ, učynienych kala stadyjona, u kancertnaj zale «Batakłan», u kafe i restaranie, zahinuli bolš za 120 čałaviek. Bolš za 250 čałaviek atrymali ranieńni.
Pieršyja vybuchi adbylisia pobač sa stadyjonam «Stad de Frans» — troje śmiarotnikaŭ ŭzarvali siabie «pajasami šachidaŭ». Na stadyjonie ŭ hety čas išoŭ futbolny matč pamiž zbornymi Francyi i Hiermanii, na jakim prysutničaŭ prezident Francyi Fransua Aland.
Adkaznaść za terakty ŭziała na siabie «Isłamskaja dziaržava».