Francyja ŭvodzić dadatkovyja miery biaśpieki
Ministr unutranych spraŭ Francyi Biernar Kaźnioŭ zajaviŭ, što ŭ krainie paśla napadaŭ, što adbylisia ŭ noč na subotu, uvodziacca dadatkovyja miery biaśpieki.
U pryvatnaści, buduć uzmocnienyja pravierki na miežach krainy — na darohach, u ciahnikach i ŭ aeraportach.
Dla patrulavańnia vulic buduć dadatkova nakiravanyja jašče tysiača vajskoŭcaŭ, 230 palicejskich i jašče dva śpiecyjalnyja padraździaleńni pa baraćbie z teraryzmam.
Varta adznačyć, što paśla napadu na časopis Charlie Hebdo ŭ studzieni hetaha hoda ministerstva ŭnutranych spraŭ Francyi ŭžo pavialičyła lik palicejskich i vajennych, jakija patrulujuć vulicy, da 30 tysiač čałaviek.
Jak adznačajecca ŭ zajavie ministra, prefiekturam u ramkach režymu nadzvyčajnaha stanovišča dadziena prava ŭvodzić kamiendanckuju hadzinu na svajo mierkavańnie.
Da čaćviarha ŭ krainie zabaronienyja masavyja mierapryjemstvy i spartyŭnyja spabornictvy. Ejfieleva vieža ŭ Paryžy taksama zakrytaja dla naviedvańnia da śpiecyjalnaha rasparadžeńnia.