Ustanoŭlena asoba adnaho z terarystaŭ u Paryžy
lefigaro.fr
Palicyja ŭstanaviła asobu adnaho z terarystaŭ, jakija ŭčynili napad na kancertnuju zału «Batakłan» u Paryžy.
Terarysta apaznali pa adbitkach palcaŭ. Paviedamlajecca, što heta hramadzianin Francyi. Jaho imia nie raskryvajecca.
Mienavita ŭ kancertnaj zale Bataclan ŭ XI akruzie Paryža minułaj nočču razharnulisia asnoŭnyja padziei. Terarysty ŭvarvalisia ŭ napoŭnienuju ludźmi zału i adkryli ahoń pa natoŭpie. Pa słovach vidavočcaŭ u napadzie ŭdzielničali nie mienš za try čałavieki. Adnak prakuror Paryža Fransua Malens paviedamiŭ, što terarystaŭ mahło być čaćviora.
Adnačasova z zachopam kancertnaj zały ŭ inšym rajonie Paryža, kala stadyjona Stade de France, dvoje śmiarotnikaŭ pryviali ŭ dziejańnie vybuchovyja pryłady. Jak paviedamili francuzskija ŚMI, śledčyja, jakija pracujuć na miescy piatničnych teraktaŭ u Paryžy, vyjavili kala pareštkaŭ adnaho z terarystaŭ-samahubcaŭ pašpart hramadzianina Siryi.