Pierastrełka na poŭnačy Paryža: ŚMI paviedamlajuć pra zahinułych
Francuzskija ŚMI paviedamlajuć pra achviaraŭ padčas palicejskaj śpiecapieracyi, jakaja prachodzić u rajonie Sien-Deni na poŭnačy Paryža.
Kamil Zihnioglu, AP
Ahienctva Frans-pres paviedamiła ab adnym zahinułym, nie pryvodziačy inšych padrabiaznaściej.
Pa dadzienych radyjostancyi RTL, zabityja try čałavieki, u tym liku žančyna, na ciele jakoj była zamacavanaja vybuchoŭka.
Jak paviedamlaje Le Monde sa spasyłkaj na krynicy ŭ palicyi, u vyniku pierastrełki zahinuli dva čałavieki.
Pa papiarednich dadzienych, metaj śpiecapieracyi byŭ Abdelchamid Abaaud, jakoha nazyvajuć arhanizataram napadaŭ u Paryžy 13 listapada.
Raniej paviedamlałasia, što palicyja abkružyła dom padazravanych, u jakim mahli zabarykadavacca niekalki čałaviek.
Jak pišuć u «Tvitary» miascovyja žurnalisty, na miescy znachodzicca vialikaja kolkaść sił biaśpieki, nad rajonam kružyć palicejski viertalot.
U rajonie Sien-Deni znachodzicca stadyjon Stad-de-Frans, jaki staŭ adnoj z celaŭ piatničnych napadaŭ, jakija zabrali žyćci 129 čałaviek.