Składskija zapasy ŭ kastryčniku znoŭ stali raści
Pavodle danych aficyjnaj statystyki, za studzień—kastryčnik 2015 hoda dola składskich zapasaŭ na pradpryjemstvach skłała 71,7% da siaredniamiesiačnaha abjomu vytvorčaści.
Dynamika źmianieńnia hetaha pakazčyka sioleta nasiła roznaskiravany charaktar. Tak, u pieršyja miesiacy ŭzrovień składskich zapasaŭ na pradpryjemstvach pastajanna pavialičvaŭsia — pa vynikach studzienia—krasavika dasiahnuŭ 84,6% da siaredniamiesiačnaha abjomu vytvorčaści. Zatym, z maja pa vierasień, nazirałasia ŭstojlivaja dynamika źnižeńnia: u studzieni—vieraśni dola składskich zapasaŭ na pradpryjemstvach źniziłasia da 70,8%.
U kastryčniku hety pakazčyk iznoŭ pačaŭ raści. Na 1 listapada najbolšy ŭzrovień składskich zapasaŭ skłaŭsia na pradpryjemstvach Minska (110,1% da siaredniamiesiačnaha abjomu vytvorčaści), Minskaj vobłaści (93,9%), Mahiloŭskaj (86%), Bresckaj (81,1%), Hrodzienskaj (73,5%).
Najmienšy ŭzrovień składskich zapasaŭ tradycyjna zafiksavany ŭ Viciebskaj (38,3%) i Homielskaj (38,1%) abłaściach, dzie raźmiaščajucca naftapierapracoŭčyja zavody.
U razrezie orhanaŭ dziaržkiravańnia najbolšy ŭzrovień składskich zapasaŭ sfarmiravaŭsia na pradpryjemstvach kancerna «Biellehpram», dzie ŭzrovień składskich zapasaŭ na 1 listapada ŭ 3,2 razu pieravyšaŭ siaredniamiesiačny abjom vytvorčaści. U arhanizacyjach Minprama zapasy ŭ 1,8 razu pieravyšali miesiačny abjom vytvorčaści.