Uładalnik «Krumkačoŭ» nie maje ni kvatery, ni mašyny, ale ŭkłaŭ u kłub 150 tysiač dalaraŭ
Dzianis Šunto, jaki vałodaje 85% futbolnaha kłuba «Krumkačy», siońnia daŭ intervju haziecie «Priessboł». Siarod inšaha jon raskazaŭ, što na siońniašni momant ukłaŭ u kamandu 152 tysiačy dalaraŭ, a jašče 40 tysiač vinien.
Fota z vk.com.
Nikoli nie škadavali pra hetyja hrošy, spytaŭsia žurnalist. «Nie. Nu, kvateru moh by kupić, kali b nie futboł. U mianie niama žylla ŭ Minsku. Dźvie kvatery ŭ Smalavičach — u adnoj mama žyvie, druhuju zdajem. A ŭ Minsku z bratam žyviom na zdymnych. U mianie i mašyny niama. Ja nie aŭtaamatar. Zaŭziaty piešachod. Jak časta žartuju, adziny haspadar kłuba, jaki jeździć u fiederacyju na tralejbusie. Futbalisty śmiajucca, asabliva kali padvoziać mianie dadomu».
Letaś Šunto rehularna vychodziŭ u składzie «Krumkačoŭ» u matčach druhoj lihi. Sioleta ž u pieršaj lizie na poli jon źjaviŭsia tolki dva razy.
Nahadajem, što sioleta futbolny kłub «Krumkačy» vyjšaŭ u vyšejšuju lihu čempijanatu Biełarusi.