Dyrektara RUP «Ščomyślica» BDU zatrymali ŭ momant atrymańnia chabaru
Upraŭleńniem Śledčaha kamiteta pa Minskaj vobłaści raspačata kryminalnaja sprava ŭ dačynieńni da dyrektara navučalna-doślednaha respublikanskaha ŭnitarnaha pradpryjemstva «Ščomyślica» BDU, abvinavačanaha ŭ chabarnictvie.
Čałavieka zatrymali supracoŭniki UBEP UUS Minabłvykankama supolna z UKDB pa Minskaj vobłaści i Minsku paśla atrymańnia chabaru.
Ustanoŭlena, što dyrektar, źjaŭlajučysia ŭpaŭnavažanaj asobaj na ździajśnieńnie jurydyčna značnych dziejańniaŭ, atrymaŭ ad pradstaŭnika pryvatnaha pradpryjemstva hrašovyja srodki ŭ sumie 1400 dalaraŭ ZŠA za spryjalnaje vyrašeńnie pytańnia ab zaklučeńni pamiž nazvanymi subjektami dahavora arendy pamiaškańnia.
Zatrymanamu vystaŭlenaje abvinavačvańnie ŭ atrymańni chabaru. Jon uziaty pad vartu.