Siryjskija bajeviki zajaŭlajuć pra źbity rasijski viertalot VIDEA
Siryjskija bajeviki źbili ŭ aŭtorak rasijski viertalot ŭ Siryi blizu Łatakii, vymusiŭšy jaho ździejśnić avaryjnuju pasadku.
Pra heta paviedamlaje livanskaje vydańnie The Daily Star sa spasyłkaj na zajavu Siryjskaha naziralnaha orhana pa pravach čałavieka.
Adkaznaść uziała na siabie siryjskaja paŭstanckaja hrupa, jakaja atrymlivaje amierykanskija supraćtankavyja rakietnyja kompleksy. Hrupa zajaviła, što źbiła viertalot mienavita supraćtankavaj rakietaj.
Vajenny miedyjacentr «Chiezbały» dadaŭ, što paśla avaryjnaha pryziamleńnia ekipaž viertalota pakinuŭ sudna cełym.
Raniej paviedamlałasia, što rasiejskija vajennyja šukajuć piłotaŭ svajho źbitaha ŭ aŭtorak źniščalnika z dapamohaj viertalotaŭ.