Premjer Francyi: ES bolš nie moža prymać biežancaŭ
Premjer-ministr Francyi Manuel Vals zajaviŭ, što Jeŭropa bolš nie moža prymać biežancaŭ ź Blizkaha Uschodu i pavinna ŭzmacnić achovu svaich miežaŭ.
AP
«Heta nie aznačaje, što ja krytykuju Hiermaniju. Hiermanija zrabiła svoj vybar, adnak jana pavinna ŭśviedamlać usiu adkaznaść», — adznačyŭ Vals u hutarcy z žurnalistami.
Pavodle jaho słoŭ, Francyja i Bielhija pavinny spynić pryjom mihrantaŭ pa vidavočnych pryčynach.
Premjer adznačyŭ, što Francyja maje namier vykanać svajo abaviazacielstvy pa pryjomie da 30 tysiač biežancaŭ u 2015-2016 hadach, adnak padkreśliŭ, što francuzy viedajuć pra toje, što niekatoryja vykanaŭcy teraktaŭ u Paryžy 13 listapada prybyli ŭ krainu mienavita ŭ šerahach mihrantaŭ.
«Heta padymaje prablemu mahčymaściaŭ Jeŭropy pa kantroli za patokam biežancaŭ i pa realizacyi rašeńniaŭ ab kantroli miežaŭ …» - dadaŭ Vals.
Napiaredadni stała viadoma, što mihranty, jakija apynulisia na miažy pamiž Hrecyjaj i Makiedonijaj, zašyli sabie rot na znak pratestu suprać niemahčymaści praciahnuć šlach dalej u Jeŭropu.
Debaty pa pytańni achovy miežaŭ u Jeŭropie ŭzmacnilisia paśla sieryi napadaŭ u Paryžy 13 listapada.