Rasija pierakidaje kompleksy S-400 na avijabazu ŭ Siryi
Rasija maje namier pierakinuć na avijabazu Chmiejmim u Siryi zienitna-rakietnyja systemy S-400, zajaviŭ ministr abarony Siarhiej Šajhu na pasiadžeńni kalehii minabarony Rasii.
S-400 — najnoŭšy zienitna-rakietny kompleks, zdolny źbić lubyja latalnyja aparaty, a taksama kryłatyja i balistyčnyja rakiety siaredniaj i małoj dalokaści na vyšyniach da 35 kiłamietraŭ.
Na ŭzbrajeńnie ŭ rasijskaj armii ZRK S-400 pastupiŭ tolki ŭ 2007 hodzie.
Napiaredadni paviedamlałasia, što dla ŭzmacnieńnia supraćpavietranaj abarony ŭ Siryi krejsier «Maskva», asnaščany sistemaj SPA «Fort», anałahičnaj S-300, zojmie rajon pobač z Łatakijaj.
Rasijskija vajskoŭcy taksama papiaredzili, što ŭsie mety, jakija pradstaŭlajuć patencyjnuju niebiaśpieku, buduć źniščacca.