Tunis na 15 dzion zakryvaje miažu ź Livijaj
Tunis na 15 dzion zakryvaje miažu ź Livijaj paśla teraktu 24 listapada, paviedamlajuć infarmahienctvy.
Rašeńnie ab zakryćci miežaŭ ź Livijaj pryniata na pasiadžeńni Nacyjanalnaj rady biaśpieki Tunisa. Rašeńnie rady ŭstupić u siłu 26 listapada ŭ 0.00 pa miascovym časie. Na astatnich suchaputnych i marskich miežach miery biaśpieki ŭzmocnienyja.
Akramia taho, udzielniki pasiadžeńnia pastanavili zrabić bolš žorstkim kantrol za asobami, jakija viartajucca ź Siryi, Livii i Iraka, i pravieryć pravavy status zamiežnikaŭ, jakija znachodziacca ŭ Tunisie. Siarod inšych rašeńniaŭ — błakiroŭka sacyjalnych sietak, źviazanych z teraryzmam.
Raniej prezident Tunisa Bedžy Kaidy es-Sebsi ŭvioŭ u krainie režym nadzvyčajnaha stanovišča na 30 dzion. U hety pieryjad u stalicy i pryharadach budzie dziejničać kamiendanckaja hadzina.
Terakt adbyŭsia ŭviečary 24 listapada ŭ centry tuniskaj stalicy. Teraryst-śmiarotnik padarvaŭ aŭtobus, jaki pieravoziŭ supracoŭnikaŭ słužby achovy prezidenta. Pavodle papiarednich dadzienych, zahinuli 13 čałaviek, jašče 20 atrymali ranieńni.