Erdahan: Turcyja nie budzie prasić prabačeńnia za źbity SU-24
Turcyja nie budzie prasić prabačeńnia za źbity rasijski bambavik SU-24, zajaviŭ prezident Redžep Taip Erdahan u intervju SNN.
«Ja dumaju, kali kamuści i treba paprasić prabačeńnia, to nie nam, — skazaŭ jon. — Prasić prabačeńnia treba tym, chto parušyŭ našu pavietranuju prastoru», — zajaviŭ Erdahan.
Raniej rasijski lidar Uładzimir Pucin vykazaŭ abureńnie tym, što turecki bok da hetaha času nie prynies vybačeńniaŭ za źbity samalot.
«My da hetaha času nie čujem vybačeńniaŭ z vyšejšaha palityčnaha ŭzroŭniu Turcyi; ni prapanoŭ pa kampiensacyi škody, ni abiacańnia pakarać złačyncaŭ», — skazaŭ Pucin.
Pavodle jaho słoŭ, stvarajecca ŭražańnie, što tureckaje kiraŭnictva śviadoma zahaniaje rasijska-tureckija adnosiny ŭ tupik. «My škadujem ab hetym», — skazaŭ Pucin.