Erdahan skazaŭ, što nie datelefanavaŭsia Pucinu paśla abstrełu Su-24
Prezident Turcyi Redžep Taip Erdahan paviedamiŭ u intervju francuzskamu telebačańniu, što nie zmoh datelefanavacca da Uładzimira Pucina ŭ aŭtorak, paśla incydentu z samalotam Su-24.
Pa słovach Erdahana, tureckija vajennyja dziejničali b pa-inšamu, kali b napeŭna viedali, što hety samalot rasiejski.
«Kali b my viedali, što heta rasijski samalot, imavierna, my b papiaredzili jaho pa-inšamu», — zajaviŭ prezident Turcyi ŭ efiry telekanała France 24.
Raniej Uładzimir Pucin vykazaŭ abureńnie tym, što turecki bok da hetaha času nie prynies vybačeńniaŭ za źbity samalot.
U adkaz Erdahan zajaviŭ, što Turcyja nie budzie prasić prabačeńnia za źbity rasijski bambavik Su-24, pakolki, sa słoŭ tureckaha lidara, prasić prabačeńnia pavinien toj, chto parušyŭ pavietranuju prastoru krainy.