Milicyja šukaje achviar mańjaka, jaki 20 hadoŭ hvałciŭ žančyn
Biełaruskija pravaachoŭniki praciahvajuć pošuki achviar 44-hadovaha rasijanina, jaki dvaccać hadoŭ hvałtavaŭ žančyn. Ciapier jon znachodzicca ŭ SIZA.
Mužčyna atrymaŭ mianušku «Załaty zub». Dakazana 26 vypadkaŭ napadu na žančyn u Minskaj i Bresckaj abłaściach. Dvojčy padazravany zhvałciŭ dziaŭčat u Leninhradskaj vobłaści Rasii.
«Załatoha zuba» piatnaccać hadoŭ tamu asudzili za anałahičnaje złačynstva ŭ Polščy.
U HUUS biełaruskaj stalicy paviedamlajuć, što hvałtaŭnik paśla złačynstvaŭ prapanoŭvaŭ svaim achviaram sustrakacca i navat zavieści dzicia.
Viadoma, što da 2000-ha hoda jon pracavaŭ kiroŭcam hramadskaha transpartu ŭ Minsku.
Usich, chto viedaje što-niebudź ab złačynstvach mužčyny, pravaachoŭniki prosiać paviedamić u milicyju. Asablivaja prykmieta padazravanaha — zub ź mietału žoŭtaha koleru ŭ vierchniaj skivicy. Tamu źjaviłasia takaja mianuška.