Chłopiec i dziaŭčyna raździelisia na vačach u pakupnikoŭ u handlovym centry Minska FOTY
Milicyja šukaje maładych ludziej, jakija pa čarzie raździelisia ŭ prysutnaści naviedvalnikaŭ i rabotnikaŭ staličnaha handlovaha centra.
Jak raskazała karespandentu ahienctva «Minsk-Naviny» pres-aficer Centralnaha RUUS Taćciana Aboznaja, pradstaŭniki administracyi HC źviarnulisia ŭ milicyju z prośbaj ustanavić maładych ludziej, jakija raździelisia ŭ prysutnaści naviedvalnikaŭ i rabotnikaŭ centra i razhulvali ŭ takim vyhladzie niejki čas.
Incydent adbyŭsia dniom. U kramu zajšli chłopiec i dziaŭčyna, jakim na vyhlad było pa 25 hadoŭ. U handlovaj zale dziaŭčyna pačała zdymać ź siabie vopratku. Zastaŭšysia ŭ adnych trusach, padyšła da kasy i pačała apranacca.
Spadarožnik maładoj asoby ŭvieś hety čas trymaŭ u rukach jaje rečy. Praź niekalki chvilin maładyja ludzi padnialisia paviercham vyšej.
Tam chłopiec nadzieŭ žanočy chałat i źniaŭ svaju vopratku. Zatym raspachnuŭ chałat i prademanstravaŭ rabotnicy handlovaha abjekta svaju haliznu.
Kamiery videanazirańnia, ustalavanyja ŭ handlovym centry, zafiksavali šopinh na raspranańnie. Kali vam što-niebudź viadoma pra maładych ludziach, prośba źviartacca ŭ Centralnaje RUUS asabista albo pa telefonach: 8 (029) 263-74-29 (apierupaŭnavažany Alaksandr Viktaravič), 288-81-13, 288-02-02 (dziažurnaja častka ) abo 102.