Paŭličenka nia ŭzdymiecca na pik Balivara
28 sakavika ź Mienska ŭ Karakas adpravicca ekspedycyja specnazaŭcaŭ, jakaja ździejśnić uzychodžańnie na najvyšejšuju haru hetaj krainy ‑‑ pik Balivara. Sa składu ekspedycyi vykraślena imia vialikaha siabry biełaruskaj apazycyi Dźmitryja Paŭličenki.
Deviz ekspedycyi — «Specnazy siabroŭskich krain u baraćbie ź mižnarodnym teroram». U składzie biełaruskaj kamandy, aproč viadomych i daśviedčanych alpinistaŭ, buduć taksama pradstaŭniki BFST «Dynama», unutranych vojskaŭ MUS, KDB, Cłužby biaśpieki, cpecyjalnaha atradu chutkaha reahavańnia.
Pavinien byŭ uźniacca na pik Balivara i vialiki siabra biełaruskaj apazycyi Dźmitry Paŭličenka. Prynamsi, jahonaje proźvišča było ŭ pieršapačatkovym śpisie, ale potym ź niejkaj pryčyny Paŭličenku vykraślili. Mahčyma, u najbližejšy čas jon budzie bolš patrebny na radzimie.
Ekspedycyja prymierkavana da 85‑hodździa «Dynama» i budzie doŭžycca 20 dzion. Za hety čas biełarusy praviaduć niekalki trenirovak z venesuelskimi alpinistami, a potym pačnuć uzychodžańnie na pik Balivara, vyšynia jakoha składaje 5 007 metraŭ nad uzroŭniem mora.