Samalot Air France ekstranna sieŭ u Kanadzie z-za ananimnaj pahrozy
Samalot Air France, jaki lacieŭ z San-Francyska ŭ Paryž, byŭ vymušany ździejśnić ekstrannuju pasadku ŭ Manreali z-za ananimnaj pahrozy ab vybuchovym prystasavańni na borcie, paviedamlaje avijakampanija.
Rejs AF083 paśpiachova pryziamliŭsia ŭ aeraporcie Manreala kala apoŭnačy pa miascovym časie.
Jak havorycca ŭ paviedamleńni avijakampanii, paśla pasadki samalot ahledziać supracoŭniki słužbaŭ biaśpieki, budzie praviedziena pravierka bahažu pasažyraŭ.
Jak padkreślili ŭ Air France, miascovyja ŭłady praviaduć rasśledavańnie, kab ustalavać, chto źjaŭlajecca aŭtaram ananimnaha paviedamleńnia.
U listapadzie, paśla sieryi napadaŭ u Paryžy, dva samaloty Air France ździejśnili ekstrannuju pasadku z-za anałahičnych ananimnych pahroz. U dvuch vypadkach nijakich vybuchovych pryład na borcie znojdziena nie było.