ZŠA asudžajuć ckavańnie niezaležnych ŚMI ŭ Biełarusi
Presavy sakratar Dziarždepartamentu ZŠA Šon Makkormak vystupiŭ z zajavaj ab padziejach apošnich dzion u Biełarusi.
«My asudžajem siońniašnija žorstkija zachady suprać niezaležnych medyjaŭ u Biełarusi, padčas jakich biez zakonnych padstavaŭ byli zatrymanyja 30 niezaležnych žurnalistaŭ u 12 haradach, — havorycca ŭ zajavie. — Heta adbyłosia paśla brutalnaha razhonu mirnych šeściaŭ u Miensku 25 sakavika, jaki supravadžaŭsia dziasiatkami zatrymańniaŭ. Režym Alaksandra Łukašenki znoŭ vyjaviŭ siabie jak hrubaja aŭtarytarnaja dyktatura, jakaja adkryta parušaje pravy čałavieka i fundamentalnyja svabody».
Dziarždepartament zaklikaje biełaruskija ŭłady nieadkładna vyzvalić ŭsich tych, chto byŭ aryštavany i źniavoleny, zabiaśpiečyć, kab usim paciarpiełym była akazanaja naležnaja medyčnaja dapamoha, i pryciahnuć usich vinavatych da adkaznaści.
«My taksama zaklikajem Biełaruś spynić ckavańnie acalełych niezaležnych ŚMI, jakija nadalej starajucca aśviatlać padziei ŭ Biełarusi, i pavažać svabodu schodaŭ, vykazvańniaŭ i niezaležnych mas‑medyjaŭ u Biełarusi», — zajaviŭ Šon Makkormak.