Biełaruś i Turkmienistan poŭnyja rašučaści naraścić abjomy tavaraabarotu
president.gov.by
Biełaruś i Turkmienistan poŭnyja rašučaści naraścić abjomy tavaraabarotu. Heta paćvierdzili prezidenty dźviuch krain Alaksandr Łukašenka i Hurbanhuły Bierdymuchamiedaŭ na sustrečy sam-nasam.
Kiraŭnik biełaruskaj dziaržavy źviarnuŭ uvahu na peŭnyja prablemy sa źnižeńniem uzajemnaha tavaraabarotu. Prezident Biełarusi padkreśliŭ nieabchodnaść jaho naroščvańnia, pakolki heta źjaŭlajecca fundamientam dvuchbakovych adnosin. «I my poŭnyja rašučaści adnavić hetyja handlova-ekanamičnyja adnosiny», - skazaŭ jon. Alaksandr Łukašenka adznačyŭ, što ŭ Biełarusi i Turkmienistana jość damoŭlenaści ŭ mašynabudavańni i prapanavaŭ pracavać sumiesna na rynkach susiednich krain. «My niamała zrabili, kab tut byŭ realny siektar, padobny da biełaruskaha», - adznačyŭ biełaruski lidar. Jon dadaŭ, što Biełaruś hatova supracoŭničać z Turkmienistanam pa šyrokim śpiektry napramkaŭ, pačynajučy ad vajenna-pramysłovaha kompleksu i da padrychtoŭki kadraŭ.
U hetyja dni ŭ Ašchabadzie prachodzić biełaruska-turkmienskaja vystaŭka-kirmaš. Na dumku biełaruskaha lidara, tut jość mahčymaść prademanstravać nie tolki narodu Turkmienistana, ale i haściam mierapryjemstva, što mohuć vyrablać abiedźvie krainy.
Alaksandr Łukašenka z zadavalnieńniem zaŭvažyŭ, što jaho vizit u Turkmienistan prachodzić napiaredadni vialikaj padziei, jakaja pradvyznačyła napramak palityki krainy, - Dnia niejtralitetu. Jon adznačyŭ, što temaj, jakaja abmiarkoŭvajecca ŭdzielnikami mižnarodnaj kanfierencyi, što projdzie z nahody śviata ŭ Ašchabadzie 12 śniežnia, stanie mižnarodnaje supracoŭnictva ŭ imia miru, biaśpieki i raźvićcia.
«Bieź miru i biaśpieki niama stabilnaści. Heta jakraz na złobu dnia. Vakoł bušujuć pažary kanfliktaŭ, sutyknieńniaŭ i ŭžo vojnaŭ. Nie daj boh, jak ja ŭžo havaryŭ, vystupajučy ŭ AAN, nam dažyć da taho času, kali heta pieraraście ŭ maštabnuju vajnu. Heta vielmi važny kantekst razmovy», - ličyć kiraŭnik biełaruskaj dziaržavy.
Prezident Turkmienistana nazvaŭ vizit svajho kalehi znakavym i histaryčnym, pakolki jon prachodzić u śviatočnyja dla krainy dni. Jon adznačyŭ, što Biełaruś i Turkmienistan źjaŭlajucca adnadumcami na mižnarodnaj arenie. Havoračy ab ekanamičnym składniku dvuchbakovych adnosin, Hurbanhuły Bierdymuchamiedaŭ vysoka acaniŭ raźvićcio biełaruskaj pramysłovaści, adznačyŭšy, što heta pradukcyja zapatrabavana ŭ Turkmienistanie, a Biełaruś słavicca ŭ śviecie jak technałahičnaja kraina.
Turkmienski lidar źviarnuŭ uvahu i na humanitarnuju śfieru supracoŭnictva pamiž dźviuma krainami, padkreśliŭšy jaje važnaść dla raźvićcia adnosin pamiž narodami. Hurbanhuły Bierdymuchamiedaŭ padziakavaŭ Alaksandru Łukašenku za padrychtoŭku turkmienskich hramadzian u biełaruskich navučalnych ustanovach. «U vas navučajecca bolš jak 9 tys. turkmienskaj moładzi. Biełaruś — heta kuźnia kadraŭ», — skazaŭ jon.
Prezident Turkmienistana zhadaŭ taksama bujnamaštabny prajekt, jaki realizujecca bakami, — budaŭnictva Harłykskaha horna-abahačalnaha kambinata. Jon padkreśliŭ, što jaho pradukcyja zapatrabavana nie tolki ŭ rehijonie, ale i va ŭsim śviecie, i vykazaŭ nadzieju, što hety abjekt budzie zdadzieny ŭ termin.
Alaksandr Łukašenka ŭ suviazi z hetym zaŭvažyŭ, što asnoŭnyja ciažkaści ŭžo ŭ minułym. Turkmienski lidar vykazaŭ udziačnaść biełaruskamu boku za realizacyju hetaha prajekta ŭ Turkmienistanie.