Klimatyčnaje pahadnieńnie zaćvierdžanaje: $100 młrd dla biednych krain, rezki pavarot u ekanomicy
U subotu ŭviečary ŭ Paryžy zaviaršyłasia ŭzhadnieńnie i adabreńnie hłabalnaha klimatyčnaha pahadnieńnia, za vykanańnie jakoha biarucca ŭsie krainy śvietu.
Kanfierencyja mieła zaviaršycca jašče ŭ piatnicu, ale ŭzhadnieńnie ambicyjnaha pahadnieńnia krainami-čalcami AAN zaniało bolš času, čym płanavałasia.
Klučavyja paramietry pahadnieńnia nastupnyja:
— jak maha chutčej pavinna pačacca skaračeńnie vykidaŭ parnikovych hazaŭ, u druhoj pałovie XXI stahodździa pavinien być dasiahnuty parytet pamiž vykidami i likvidacyjaj parnikovych hazaŭ z atmaśfiery;
— pavyšeńnia hłabalnaj tempieratury pavinna zastacca ŭ miežach 2 hradusaŭ pa Celsiju, pry hetym baki buduć prykładać namahańniaŭ dla taho, kab nablizicca da pakazčyka ŭ 1,5 hradusa;
— dasiahnuty prahres buduć aceńvać kožnyja piać hadoŭ;
— $100 młrd za hod da 2020 hoda budzie vydzialacca dla finansavańnia klimatyčnych namahańniaŭ krain, jakija raźvivajucca, baki taksama abaviazvajucca praciahnuć finansavańnie dalej.
Bi-Bi-Si prapanuje paraŭnać hrafiki mierkavanaha paciapleńnia da kanca stahodździa pry ŭmovie, kali pahadnieńnie budzie vykanana i kali nie.