BIEŁ Ł RUS

Biełaruskaja jalinka ŭ Amierycy FOTAFAKT

14.12.2015 / 7:54

Janka Zaprudnik

Na adkryćci vystavy nacyjanalnych jalinak: Siarhiej Tryhubovič z synami Lovam i Kolem, a taksama Nadzia Zaprudnik. Za biełaruskaj jalinkaj stajać jalinki hrečaskaja i dackaja.

U amierykanskim horadzie Ńju-Bransŭik, štat Ńju-Džersi, štohodu ŭ siaredzinie śniežnia, kab naležna adkryć kaladny siezon, naładžvajecca vystava nacyjanalnych jalinak. Pakaz ich adbyvajecca ŭ budynku vienhierskaha kulturnaha centra.

U vakolicach Ńju-Bransŭiku žyvuć biełarusy, majuć svaje cerkvy: adna imia Žyrovickaj Maci Božaj u susiednim Hajlend-Parku, a druhaja imia Jeŭfrasińni Połackaj ŭ susiednim Saŭt-Ryvery. Prychadžanie hetych cerkvaŭ udzielničajuć u vystavie kaladnych jalinak, udekaroŭvajučy jalinku ŭ cudoŭna vyrablenyja z sałomki arnamienty i kaladnyja siužety. Hadami ŭžo inicyjatar hetaha mierapryjemstva — Siarhiej Tryhubovič, prychadžanin carkvy Žyrovickaj Maci Božaj, što ŭ jurysdykcyi Biełaruskaj aŭtakiefalnaj pravasłaŭnaj carkvy.

Na sioletnim kaladnym pakazie stajać dziesiać jalinak: amerykanskaja, vienhierskaja, biełaruskaja, hrečaskaja, dackaja, italjanskaja, łacina-amierykanskaja, estonskaja, japonskaja i litoŭskaja. Vystaŭlena taksama habrejskaja mienora ŭ znak śviatkavańnia Chanuki. 

Kala kožnaj jalinki i kala mienory staić na padnožcy doška z tłumačalnym tekstam pra śviatkavalnyja tradycyi dadzienaj nacyjanalnaści. 

Kancertnuju častku adkryćcia vystavy zabiaśpiečyli vučni subotniaj vienhierskaj škoły vykanańniem vienhierskich kaladak dy insceniroŭkaj momantaŭ z naradžeńnia Isusa Chrysta.

Čytajcie taksama:

Kamientary da artykuła