U Bresckaj vobłaści maładaja mama prapała bieź viestak paśla taho, jak adviała dačku ŭ sadok
Pravaachoŭniki šukajuć 27-hadovuju Juliju Kubaj, jakaja ranicaj 14 śniežnia adviała trochhadovuju dačku ŭ sadok i syšła ŭ nieviadomym nakirunku.
U milicyju źviarnulisia svajaki źnikłaj. Ranicaj 14 śniežnia Julija adviała svaju trochhadovuju dačku ŭ sadok, a zatym pavinna była pajści na pracu, ale na pradpryjemstvie tak i nie źjaviłasia. Pra heta raspaviała TUT.BY mama źnikłaj žančyny. Dziaŭčynku z sadka zabrali baćki Julii.
Doma Julija da hetaha času nie źjaviłasia, ź blizkimi i siabrami nie źviazvałasia, telefon niedasiažny. Na svaju staronku ŭ sacyjalnaj sietcy Ukantakcie jana zachodziła 14 śniežnia ŭ 6:48.
Pa słovach mamy, raniej jaje dačka z chaty nie sychodziła, zaŭsiody staviła ŭ viadomaść pra svajo miescaznachodžańnie baćkoŭ, ź jakimi pražyvaje ŭ horadzie Ivanava Bresckaj vobłaści.
Charaktaryzujecca stanoŭča, vielmi lubić svaju dačku.
Prykmiety Julii Kubaj: siaredniaha rostu, ščylnaha ciełaskładu, vałasy ciomnyja, vočy karyja.