Pucin paraiŭ dać Nobieleŭskuju premiju Błateru
Prezident Rasii Uładzimir Pucin na vialikaj pres-kanfierencyi prapanavaŭ dać Nobieleŭskuju premiju miru Jozefu Błateru — prezidentu FIFA, časova adchilenamu ad pracy z-za karupcyjnaha skandału.
Pa słovach Pucina, układ Błatera ŭ humanitarnuju śfieru «kałasalny».
Jozef Błater kiravaŭ FIFA kala 20 hadoŭ. U kastryčniku 2015 jaho adchilili ad futbolnaj dziejnaści na try miesiacy. Niezadoŭha da hetaha šviejcarskaja prakuratura pačała rasśledavańnie dziejnaści Błatera na pasadzie futbolnaj fiederacyi. Jaho padazrajuć u niadbajnaści i niezakonnym pieravodzie dvuch miljonaŭ frankaŭ kiraŭniku UEFA Mišelu Płacini. U lutym 2016 adbuducca vybary novaha prezidenta fiederacyi. Płacini ličyŭsia hałoŭnym kandydatam na hetuju pasadu.