Bośnija i Hiercahavina padaść zajaŭku ŭ ES
Bośnija i Hiercahavina ŭ studzieni padaść aficyjnuju zajavu na ŭstupleńnie ŭ ES. Pra heta zajaviŭ suprezident Bośnii i Hiercahaviny Drahan Čovič.
Jaho zajava vyjšła paśla niekalkich hadoŭ zatrymki pa hetym pytańni.
Bośnija i Hiercahavina padpisała dahavor ab bolš ciesnych adnosinach ź ES — Pahadnieńnie ab stabilizacyi i asacyjacyi — u 2008 hodzie.
Adnak pahadnieńnie nie było ratyfikavana da červienia 2015 hoda, pakul Hiermanija i Brytanija nie vystupili z novaj inicyjatyvaj zaachvočvańnia ekanamičnaha raźvićcia krainy.
Jak adznačajecca, na šlachu ŭstupleńnia ŭ ES Bośnija i Hiercahavina adstaje ad susiednich bałkanskich krain.
Kali jaje zajaŭka budzie pryniataja, napieradzie - hady pieramovaŭ. Mnohija ahladalniki ličać, što kraina — palityčna i etnična decentralizavanaja, ekanamična nieraźvitaja - nie ŭstupić u ES raniej 2025 hoda.