Siońnia Łukašenka sustreŭsia sa svaim kumiram
I ŭručyŭ jamu orden
Adnym z punktaŭ prahramy stała sustreča z prezidentam Biełarusi i Nacyjanalnaha alimpijskaha kamiteta Alaksandram Łukašenkam. «Vy dla mianie niedasiahalnaja vieličynia. Ja pamiataju tyja hały, jakija vy zabivali», — pryvodziać słovy A.Łukašenki aficyjnyja krynicy.
«Siońnia ja sustreŭsia sa svaim kumiram, — zaznačyŭ biełaruski kiraŭnik. — Ja vielmi rady, što vy aktyŭna dapamahali našamu futbołu jak u finansavych, tak i ŭ techničnych adnosinach».
A.Łukašenka ŭručyŭ M.Płacini orden NAK za ŭkład u raźvićcio biełaruskaha futboła.
U svaju čarhu prezident UEFA zaznačyŭ, što jamu ciažka pradkazvać budučyniu, ale vidavočnaja «taja vialikaja rabota, što robicca nacyjanalnaj fiederacyjaj futboła, dziakujučy jakoj padtrymlivajecca cikavaść da hetaha vidu sportu ŭ Biełarusi, najpierš z boku moładzi».
«Kali ŭ vas narodzicca chacia b adzin Piele — hetaha dastatkova dla vialikaha pośpiechu», — ličyć M.Płacini. Na jaho dumku, u supracoŭnictva UEFA i Biełarusi cudoŭnyja pierśpiektyvy. «My prybyli, kab arhanizavać padtrymku vašaj nacyjanalnaj futbolnaj fiederacyi i vyznačyć kirunak raboty pa raźvićci futboła ŭ Biełarusi», — skazaŭ M.Płacini.
Uviečary 1 krasavika prezident UEFA sustreniecca z delehatami štohadovaj spravazdačnaj kanfierencyi Biełaruskaj fiederacyi futboła i žurnalistami.