Biełarus paŭstanie pierad sudom u Polščy za kantrabandu 15 kh burštynu
Na polska-biełaruskaj miažy zatrymali biełarusa z 15 kh burštynu, paviedamlaje Mytnaja pałata Biełastoka.
U punkcie propusku Babroŭniki ŭ «Opieli» 34-hadovaha hramadzianina Biełarusi ŭ bahažniku znajšli 5 płastykavych pakietaŭ ź nieapracavanym burštynam.
Partyja stała samaj vialikaj kantrabandaj burštynu ŭ historyi Padlaskaj mytnaj słužby, paviedamlajecca na sajcie Mytnaj pałaty.
Kiroŭca patłumačyŭ, što pieravoziŭ pakiety ŭ Polšču pa prośbie siabra i nie mieŭ paniaćcia pra toje, što ŭ ich znachodzicca. Mytniki vyśviatlajuć, kudy pavinien byŭ trapić zatrymany burštyn i chto pavinien byŭ stać jaho atrymalnikam. Pieravozčyk adkaža za parušeńnie pierad sudom, jamu pahražaje štraf. Kantrabandny burštyn acenieny nie mienš čym u 15 tys. złotych.