Nivodzin biełaruski telekanał nie pakaža navahodniaha zvarotu Pucina
Biełaruskija telekanały ahučyli svaje prahramy pieradač. Nivodzin ź ich nie budzie tranślavać navahodni vystup prezidenta Rasii Uładzimira Pucina. Absurdnaja praktyka, kali biełarusaŭ vinšavaŭ kiraŭnik zamiežnaj krainy, adychodzić u niebyćcio.
Apošnija hady heta pytańnie pieradusim techničnaha kštałtu, bo biełaruski i rasijski čas ciapier supadajuć.
Ale, naprykład, letaś u prahramie «RTR-Biełaruś» byŭ paznačany mienavita navahodni vystup Uładzimira Pucina. U razmovie z karespandentam «NN» mieniedžary telekanała zajavili, što heta asensavany vybar.
Adnak u vyniku «RTR-Biełaruś» tranślavaŭ słovy Alaksandra Łukašenki. Hetuju praktyku kanał praciahnie i sioleta.