Ułaśnik «Sierža»: Za hod kolkaść rabotnikaŭ pradpryjemstva skaraciłasia z 700 da 100
U vypadku rynkavaha bałansavańnia kurs dalara siońnia byŭ by kala 21—22 tysiač rubloŭ, miarkuje biznesoŭca Siarhiej Atroščanka.
Pra harotny finansavy stan svajho pradpryjemstva «Sierž» (Serge) jon napisaŭ u kałoncy na Onliner.by.
«Jašče hod tamu ŭ kampanii pracavała bolš za 700 čałaviek, pradukcyja paśpiachova pradavałasia ŭ 10 krainach śvietu. Siońnia my zmahajemsia za toje, kab zachavać 100 pracoŭnych miescaŭ», — raskazaŭ Atroščanka.
Pa jahonych słovach, u vieraśni 2015 hoda ŭ jahonaj kramie ŭ «Stalicy» 50% vyručki pajšło na arendu. Kramu daviałosia zakryć, što pryviało da skaračeńnia 100 pracoŭnych miescaŭ (20 pradaŭcoŭ i kala 80 čałaviek na vytvorčaści).