Dvaich biełaruskich ciažkaatletaŭ złavili na dopinhu
Zbornaj Biełarusi pa ciažkaj atletycy, jakaja ŭ listapadzie vystupała na čempijanacie śvietu ŭ Chjustanie, pryjšli dva dopinh-prakoły. Padčas spabornictvaŭ dźvie stanoŭčych proby zdali Anastasija Novikava (katehoryja da 58 kh, 4-je miesca) i Alaksandr Vienskiel (da 94 kh, 4-je miesca).
U arhaniźmie abodvuch biełaruskich pradstaŭnikoŭ znojdzieny anabaličny ahient — dehidrachłarmietyłtestasteron. Novikava i Vienskiel časova adchileny ad usich spabornictvaŭ. Rašeńnie pa ich budzie ahučana dadatkova, paviedamlaje aficyjny sajt IVF.
Kali budzie dakazana parušeńnie antydopinhavych praviłaŭ, čempijoncy śvietu 2011 hoda, trochrazovaj čempijoncy Jeŭropy i bronzavaja miedalistcy Hulniaŭ u Piekinie Anastasii Novikavaj pahražaje pažyćciovaje adłučeńnie ad sportu. U 2005 hodzie jana ŭžo była pakarana 2-hadovaj dyskvalifikacyjaj.